Madridning «Real» klubi sobiq futbolchisi Guti fransuz hujumchisi Kilian Mbappega nisbatan qilinayotgan e’tirozlarni o‘rinsiz deb hisoblaydi, agar u maydonda o‘z ishini sidqidildan bajarayotgan bo‘lsa.
Eslatib o‘tamiz, «Real»ning muammolari avj olgan paytda Kilianning ta’tilga chiqib ketgani Ispaniya jamoatchiligining g‘azabini qo‘zg‘atgan edi — Ispaniyada muxlislar bunday holatlarga juda ta’sirchan hisoblanishadi.
«Modomiki u maydonda o‘z vazifalarini muvaffaqiyatli hal qilayotgan ekan, maydondan tashqarida sodir bo‘layotgan hamma narsani ahamiyatsiz deb bilaman. Shaxsiy hayotida har kim nima xohlasa, shuni qilishga haqli», — deya sobiq futbolchining so‘zlaridan iqtibos keltirmoqda Radio Marca.
Ma’lumot uchun, Kilian Mbappe 2024 yildan beri «Real» sharafini himoya qilib kelmoqda.
