Мадриднинг «Реал» клуби собиқ футболчиси Гути француз ҳужумчиси Килиан Мбаппега нисбатан қилинаётган эътирозларни ўринсиз деб ҳисоблайди, агар у майдонда ўз ишини сидқидилдан бажараётган бўлса.
Эслатиб ўтамиз, «Реал»нинг муаммолари авж олган пайтда Килианнинг таътилга чиқиб кетгани Испания жамоатчилигининг ғазабини қўзғатган эди — Испанияда мухлислар бундай ҳолатларга жуда таъсирчан ҳисобланишади.
«Модомики у майдонда ўз вазифаларини муваффақиятли ҳал қилаётган экан, майдондан ташқарида содир бўлаётган ҳамма нарсани аҳамиятсиз деб биламан. Шахсий ҳаётида ҳар ким нима хоҳласа, шуни қилишга ҳақли», — дея собиқ футболчининг сўзларидан иқтибос келтирмоқда Radio Marca.
Маълумот учун, Килиан Мбаппе 2024 йилдан бери «Реал» шарафини ҳимоя қилиб келмоқда.
