«Real» klubi «El-Klasiko»dan keyingi kuni ijtimoiy tarmoqlarda yangi post qoldirdi. Madrid jamoasi Tibo Kurtuani tabrikladi — dushanba kuni belgiyalik posbon 34 yoshni qarshi oldi. «Tug‘ilgan kuning bilan, Tibo Kurtua!» — deyiladi «Qaymoqranglilar»ning maqolasida.

Yakshanba oqshomida Tibo Kurtua mart oyining o‘rtalaridan beri ilk bor «Real» safida maydonga tushdi. Jarohatidan sog‘ayib qaytgan belgiyalik darvozabon «Barselona»dan ikkita gol o‘tkazib yubordi va madridliklar «Kamp Nou» stadionida 0:2 hisobida mag‘lubiyatga uchrashdi.

Kurtua 2018 yilning yozidan beri «Real» sharafini himoya qilib kelmoqda. Belgiyalik posbon «qirollik klubi» libosida jami 330 ta rasmiy uchrashuvda ishtirok etgan. Ushbu o‘yinlarda Tibo o‘z darvozasidan 323 ta gol olib chiqqan.