«Реал» клуби «Эл-Класико»дан кейинги куни ижтимоий тармоқларда янги пост қолдирди. Мадрид жамоаси Тибо Куртуани табриклади — душанба куни бельгиялик посбон 34 ёшни қарши олди. «Туғилган кунинг билан, Тибо Куртуа!» — дейилади «Қаймоқранглилар»нинг мақоласида.

Якшанба оқшомида Тибо Куртуа март ойининг ўрталаридан бери илк бор «Реал» сафида майдонга тушди. Жароҳатидан соғайиб қайтган бельгиялик дарвозабон «Барселона»дан иккита гол ўтказиб юборди ва мадридликлар «Камп Ноу» стадионида 0:2 ҳисобида мағлубиятга учрашди.

Куртуа 2018 йилнинг ёзидан бери «Реал» шарафини ҳимоя қилиб келмоқда. Бельгиялик посбон «қироллик клуби» либосида жами 330 та расмий учрашувда иштирок этган. Ушбу ўйинларда Тибо ўз дарвозасидан 323 та гол олиб чиққан.