Xans-Diter Flik va «Barselona» klubi agent Pini Zaxavi ishtirokida amaldagi shartnomani uzaytirish bo‘yicha kelishuvga erishishdi. Mundo Deportivo nashrining yozishicha, tomonlar 2028 yilning o‘rtalarigacha mo‘ljallangan yangi bitimni kelishib olishgan.

Muhim jihatlardan biri shundaki, mehnat shartnomasida hamkorlikni yana bir mavsumga — 2029 yilning yozigacha uzaytirish imkoniyati ko‘zda tutilgan. Ushbu band ma’lum bir sport maqsadlariga erishilgan taqdirda faollashadi. Yaqin vaqt ichida «Barselona» Flik bilan shartnoma uzaytirilganini rasman e’lon qilishi kutilmoqda.

Eslatib o‘tamiz, yakshanba kuni «Barselona» «Real»ni (2:0) mag‘lub etib, Ispaniya chempionligini qo‘lga kiritgan edi.