Ханс-Дитер Флик ва «Барселона» клуби агент Пини Захави иштирокида амалдаги шартномани узайтириш бўйича келишувга эришишди. Mundo Deportivo нашрининг ёзишича, томонлар 2028 йилнинг ўрталаригача мўлжалланган янги битимни келишиб олишган.
Муҳим жиҳатлардан бири шундаки, меҳнат шартномасида ҳамкорликни яна бир мавсумга — 2029 йилнинг ёзигача узайтириш имконияти кўзда тутилган. Ушбу банд маълум бир спорт мақсадларига эришилган тақдирда фаоллашади. Яқин вақт ичида «Барселона» Флик билан шартнома узайтирилганини расман эълон қилиши кутилмоқда.
Эслатиб ўтамиз, якшанба куни «Барселона» «Реал»ни (2:0) мағлуб этиб, Испания чемпионлигини қўлга киритган эди.
