«Liverpul» klubi «Tottenxem» himoyachisi Luka Vushkovichning xizmatlariga qiziqish bildirmoqda. Bu haqda Football Insider nashri xabar tarqatdi.
«Qizillar» ushbu futbolchi uchun kurashda raqobatchilarini ortda qoldirish niyatida. Vushkovichga shuningdek, «Bavariya», «Manchester Yunayted» va «Chelsi» kabi grand klublar ham da’vogarlik qilmoqda. Eslatib o‘tamiz, o‘tgan yozda «Tottenxem» futbolchini «Gamburg» klubiga ijaraga bergan edi.
Joriy mavsumda Luka Vushkovich jami 29 ta uchrashuvda maydonga tushdi. Ushbu o‘yinlarda himoyachi 6 ta gol urdi va bitta golli uzatmani amalga oshirdi.
