«Ливерпуль» клуби «Тоттенхэм» ҳимоячиси Лука Вушковичнинг хизматларига қизиқиш билдирмоқда. Бу ҳақда Football Insider нашри хабар тарқатди.
«Қизиллар» ушбу футболчи учун курашда рақобатчиларини ортда қолдириш ниятида. Вушковичга шунингдек, «Бавария», «Манчестер Юнайтед» ва «Челси» каби гранд клублар ҳам даъвогарлик қилмоқда. Эслатиб ўтамиз, ўтган ёзда «Тоттенхэм» футболчини «Гамбург» клубига ижарага берган эди.
Жорий мавсумда Лука Вушкович жами 29 та учрашувда майдонга тушди. Ушбу ўйинларда ҳимоячи 6 та гол урди ва битта голли узатмани амалга оширди.
