Londonning "Chelsi" klubi yangi bosh murabbiy izlash ishlarini davom ettirmoqda. The Telegraph nashrining xabar berishicha, nomzodlar ro‘yxatiga "Kristal Pelas" ustozi Oliver Glasner va "Flamengo" sobiq murabbiyi Filipe Luis qo‘shildi.
Shuningdek, klub rahbariyati ayni damda "Komo" jamoasini boshqarayotgan Sesk Fabregas nomzodini ham muhokama qilgan. Avvalroq OAVda "Chelsi" bosh murabbiyligi uchun Xabi Alonso, Andoni Iraola va Marku Silva kabi mutaxassislar da’vogarlik qilayotgani haqida xabarlar tarqalgan edi.
Qayd etilishicha, hozircha nomzodlar orasida yaqqol favorit yo‘q. Klub rahbariyati shoshilmasdan, jamoa loyihasiga eng mos keladigan murabbiyni tanlab olmoqchi.
Eslatib o‘tamiz, "Chelsi" rahbariyati yangi bosh murabbiyni Jahon chempionati — 2026 startiga qadar tayinlashni maqsad qilgan.













