Italiya kubogi finali doirasida "Lasio"ga qarshi kechadigan bahsda "Inter" hujumchisi Markus Tyuramning ishtirok etishi katta so‘roq ostida qolmoqda.
Sky Sport Italia nashri bergan ma’lumotlarga ko‘ra, fransuz hujumchisi mashg‘ulotlar vaqtida jarohat olgan va katta ehtimol bilan bo‘lajak uchrashuvni o‘tkazib yuboradi. Jarohatning qay darajada jiddiy ekanligini aniqlash uchun qo‘shimcha tibbiy ko‘riklar talab etiladi, biroq futbolchining chorshanba kungi o‘yingacha tiklanishi qiyinligi aytilmoqda.
Jamoaning tarkib borasidagi yangiliklari shu bilan tugamaydi. Bel sohasidagi muammolardan qutilgan Franchesko Espozito safga qaytdi, ammo hujum chizig‘ida Lautaro Martinesga Anj-Yoan Bonni sheriklik qilishi kutilmoqda.
Shuningdek, yarim himoyachi Xakan Chalxano‘g‘li hamon umumiy guruh mashg‘ulotlariga qo‘shilmagan va finalni tribunadan kuzatishi deyarli aniq. Maydon markazida Pyotr Zelinski bilan birga Petar Suchich yoki Genrix Mxitaryan harakat qilishi rejalashtirilgan.
