Италия кубоги финали доирасида "Лацио"га қарши кечадиган баҳсда "Интер" ҳужумчиси Маркус Тюрамнинг иштирок этиши катта сўроқ остида қолмоқда.

Sky Sport Italia нашри берган маълумотларга кўра, француз ҳужумчиси машғулотлар вақтида жароҳат олган ва катта эҳтимол билан бўлажак учрашувни ўтказиб юборади. Жароҳатнинг қай даражада жиддий эканлигини аниқлаш учун қўшимча тиббий кўриклар талаб этилади, бироқ футболчининг чоршанба кунги ўйингача тикланиши қийинлиги айтилмоқда.

Жамоанинг таркиб борасидаги янгиликлари шу билан тугамайди. Бел соҳасидаги муаммолардан қутилган Франческо Эспозито сафга қайтди, аммо ҳужум чизиғида Лаутаро Мартинесга Анж-Йоан Бонни шериклик қилиши кутилмоқда.

Шунингдек, ярим ҳимоячи Хакан Чалханўғли ҳамон умумий гуруҳ машғулотларига қўшилмаган ва финални трибунадан кузатиши деярли аниқ. Майдон марказида Пётр Зелиньски билан бирга Петар Сучич ёки Генрих Мхитарян ҳаракат қилиши режалаштирилган.