«Chelsi» va Braziliya terma jamoasi hujumchisi Estevao katta ehtimol bilan JCH-2026 final bosqichini o‘tkazib yuboradi, deb xabar bermoqda Globo.

Manbaning ma’lumotlariga ko‘ra, 19 yoshli futbolchi Braziliya terma jamoasining JCH-2026 uchun kengaytirilgan tarkibiga kiritilmaydi. Unda eski jarohati qaytalandi va u turnir boshlanguniga qadar tiklanishga ulgurmaydi. Terma jamoa «Chelsi» shifokorlarining tavsiyalariga amal qilishga qaror qilgan.

Estevao 2026 yilning fevral oyida tizza osti paylaridan jarohat olgan edi, keyinchalik esa residiv (jarohatning qaytalanishi) kuzatildi. Shu sababli u «Chelsi»ning allaqachon o‘nta o‘yinini o‘tkazib yubordi.

2025/26 yilgi mavsumda hujumchi 36 ta o‘yinda maydonga tushib, 8 ta gol urdi va 4 ta golli uzatmani amalga oshirdi. Terma jamoa safida esa futbolchi jami 11 ta o‘yinda 5 ta gol muallifiga aylangan.