«Челси» ва Бразилия терма жамоаси ҳужумчиси Эстевао катта эҳтимол билан ЖЧ-2026 финал босқичини ўтказиб юборади, деб хабар бермоқда Globo.
Манбанинг маълумотларига кўра, 19 ёшли футболчи Бразилия терма жамоасининг ЖЧ-2026 учун кенгайтирилган таркибига киритилмайди. Унда эски жароҳати қайталанди ва у турнир бошлангунига қадар тикланишга улгурмайди. Терма жамоа «Челси» шифокорларининг тавсияларига амал қилишга қарор қилган.
Эстевао 2026 йилнинг февраль ойида тизза ости пайларидан жароҳат олган эди, кейинчалик эса рецидив (жароҳатнинг қайталаниши) кузатилди. Шу сабабли у «Челси»нинг аллақачон ўнта ўйинини ўтказиб юборди.
2025/26 йилги мавсумда ҳужумчи 36 та ўйинда майдонга тушиб, 8 та гол урди ва 4 та голли узатмани амалга оширди. Терма жамоа сафида эса футболчи жами 11 та ўйинда 5 та гол муаллифига айланган.
