«Barselona» hujumchisi Robert Levandovski faoliyatini «Portu»da davom ettirishi mumkin. Bu haqda Diario SPORT nashri xabar bermoqda.
Manbaning ma’lumotiga ko‘ra, «Portu» 37 yoshli polshalik futbolchiga qiziqish bildirgan. Ta’kidlanishicha, Portugaliya klubi Levandovskiga bir yillik shartnoma taklif qilishga tayyor. Biroq hujumchining xizmatlariga «Milan», «Yuventus», «Chikago Fayr» va Saudiya Arabistoni klublari tomonidan ham qiziqishlar mavjud.
Joriy mavsumda Levandovski barcha turnirlarni hisobga olganda 43 ta o‘yinda ishtirok etdi, 18 bor raqiblar darvozasini ishg‘ol qildi va 4 ta golli uzatma muallifiga aylandi. Levandovskining kataloniyaliklar bilan amaldagi mehnat shartnomasi shu yilning iyun oyi oxirida nihoyasiga etadi.
