«Барселона» ҳужумчиси Роберт Левандовски фаолиятини «Порту»да давом эттириши мумкин. Бу ҳақда Diario SPORT нашри хабар бермоқда.

Манбанинг маълумотига кўра, «Порту» 37 ёшли польшалик футболчига қизиқиш билдирган. Таъкидланишича, Португалия клуби Левандовскига бир йиллик шартнома таклиф қилишга тайёр. Бироқ ҳужумчининг хизматларига «Милан», «Ювентус», «Чикаго Файр» ва Саудия Арабистони клублари томонидан ҳам қизиқишлар мавжуд.

Жорий мавсумда Левандовски барча турнирларни ҳисобга олганда 43 та ўйинда иштирок этди, 18 бор рақиблар дарвозасини ишғол қилди ва 4 та голли узатма муаллифига айланди. Левандовскининг каталонияликлар билан амалдаги меҳнат шартномаси шу йилнинг июнь ойи охирида ниҳоясига этади.