"Sanderlend" va Kongo Demokratik Respublikasi terma jamoasi yarim himoyachisi Noa Sadiki joriy yozgi transfer oynasida jamoani tark etishi mumkinligini istisno qilmadi. Bu haqda Voetbal Nieuws nashri xabar bermoqda.
21 yoshli iqtidorli futbolchi joriy mavsumda "qora mushuklar" safida ko‘rsatayotgan mazmunli o‘yini bilan ko‘plab klublar e’tiborini tortgan. Xabarlarga ko‘ra, Sadiki o‘z faoliyatini yuqoriroq darajada davom ettirish imkoniyatlarini ko‘rib chiqmoqda.
Ayni damda futbolchiga "Manchester Yunayted", "Chelsi" va "Arsenal" kabi Premyer-liga gigantlari qiziqish bildirayotgani aytilmoqda. "Sanderlend" esa o‘z yetakchisini kamida 45-50 million funt sterling evaziga qo‘yib yuborishga tayyor. Sadikining o‘zi esa hozircha bor e’tiborini mavsum yakuniga va milliy terma jamoasining JCH-2026 saralash bosqichidagi ishtirokiga qaratgan bo‘lsa-da, yozda keladigan takliflarga ochiq ekanini yashirib o‘tirmagan.
