"Сандерленд" ва Конго Демократик Республикаси терма жамоаси ярим ҳимоячиси Ноа Садики жорий ёзги трансфер ойнасида жамоани тарк этиши мумкинлигини истисно қилмади. Бу ҳақда Voetbal Nieuws нашри хабар бермоқда.
21 ёшли иқтидорли футболчи жорий мавсумда "қора мушуклар" сафида кўрсатаётган мазмунли ўйини билан кўплаб клублар эътиборини тортган. Хабарларга кўра, Садики ўз фаолиятини юқорироқ даражада давом эттириш имкониятларини кўриб чиқмоқда.
Айни дамда футболчига "Манчестер Юнайтед", "Челси" ва "Арсенал" каби Премьер-лига гигантлари қизиқиш билдираётгани айтилмоқда. "Сандерленд" эса ўз етакчисини камида 45-50 миллион фунт стерлинг эвазига қўйиб юборишга тайёр. Садикининг ўзи эса ҳозирча бор эътиборини мавсум якунига ва миллий терма жамоасининг ЖЧ-2026 саралаш босқичидаги иштирокига қаратган бўлса-да, ёзда келадиган таклифларга очиқ эканини яшириб ўтирмаган.
