«Real»ning sobiq futbolchisi Toni Kroos madridliklarning «Barselona»ga 0:2 hisobida imkoniyatni boy bergan «El-Klasiko» natijasi haqida fikr bildirdi.

«Ikki mavsum g‘alabasiz qolish — «Real» uchun qabul qilib bo‘lmas holat, vassalom. Maydondagi natija ichki dinamikaning yomonligidan kelib chiqmoqda. Ehtimol, ular «Klasiko»da g‘alaba qozonish uchun motivasiyaga ega bo‘lishgandir, lekin bu yetarli bo‘lmadi. Mag‘lubiyat taqdiri o‘yin boshlanmasidan oldinroq hal qilingan edi. Menimcha, ular o‘yin boshidanoq bunday natijaga rozi bo‘lib bo‘lishgandi. Ikkinchi bo‘lim biroz muvozanatliroq o‘tdi, lekin... Qisqasi, «Barsa»ni tabriklayman.

Ikkinchi gol «Barselona» va «Real» o‘rtasidagi farqni ko‘rsatib turibdi. Gol urilishida qatnashgan o‘yinchilar (Olmo va Ferran), agar jamoaning qolgan a’zolari sport formasida bo‘lganida, balki asosiy tarkibga ham kirmagan bo‘lishardi.

Bu vaziyatda nomlar unchalik muhim emas, chunki ularda aniq belgilangan o‘yin uslubi va mashq qilingan harakatlar bor. «Real» yirik hisobdagi mag‘lubiyatdan qutulib qoldi, «Barselona» esa atigi 2:0 hisobida g‘alaba qozondi xolos», — dedi Kroos.

Ushbu g‘alaba va qo‘lga kiritilgan navbatdagi 3 ochko evaziga «Barselona» Ispaniya chempionligini muddatidan oldin rasmiylashtirdi.