«Реал»нинг собиқ футболчиси Тони Кроос мадридликларнинг «Барселона»га 0:2 ҳисобида имкониятни бой берган «Эл-Класико» натижаси ҳақида фикр билдирди.

«Икки мавсум ғалабасиз қолиш — «Реал» учун қабул қилиб бўлмас ҳолат, вассалом. Майдондаги натижа ички динамиканинг ёмонлигидан келиб чиқмоқда. Эҳтимол, улар «Класико»да ғалаба қозониш учун мотивацияга эга бўлишгандир, лекин бу етарли бўлмади. Мағлубият тақдири ўйин бошланмасидан олдинроқ ҳал қилинган эди. Менимча, улар ўйин бошиданоқ бундай натижага рози бўлиб бўлишганди. Иккинчи бўлим бироз мувозанатлироқ ўтди, лекин... Қисқаси, «Барса»ни табриклайман.

Иккинчи гол «Барселона» ва «Реал» ўртасидаги фарқни кўрсатиб турибди. Гол урилишида қатнашган ўйинчилар (Ольмо ва Ферран), агар жамоанинг қолган аъзолари спорт формасида бўлганида, балки асосий таркибга ҳам кирмаган бўлишарди.

Бу вазиятда номлар унчалик муҳим эмас, чунки уларда аниқ белгиланган ўйин услуби ва машқ қилинган ҳаракатлар бор. «Реал» йирик ҳисобдаги мағлубиятдан қутулиб қолди, «Барселона» эса атиги 2:0 ҳисобида ғалаба қозонди холос», — деди Кроос.

Ушбу ғалаба ва қўлга киритилган навбатдаги 3 очко эвазига «Барселона» Испания чемпионлигини муддатидан олдин расмийлаштирди.