"Barselona" bosh murabbiyi Xansi Flik jamoa himoyachisi Jyul Kundening kelgusi mavsumdagi istiqbollari va uning tarkibdagi o‘rni haqidagi savollarga javob berdi. Mutaxassisning ta’kidlashicha, ushbu masalada ma’lum bir qarorga kelib bo‘lingan.
"Kelasi mavsum boshlanishiga hali ancha vaqt bor. Shu bois, men uchun qaror allaqachon qabul qilib bo‘lingan va buni o‘yinlardan keyingi matbuot anjumanida ham aytib o‘tgan edim.
Ochig‘ini aytsam, kim asosiy tarkibda maydonga tushishi borasida qaror qabul qilish juda qiyin bo‘ldi. Ayniqsa, ushbu pozisiyada tanlov qilish murakkab edi, chunki Jyul Kunde ushbu klub va jamoa uchun borini beradigan futbolchi hisoblanadi.
Men uning bu qarordan mamnun bo‘lmaganini bilaman, lekin yakunda u vaziyatni to‘g‘ri qabul qildi", — dedi Xansi Flik.
