Londonning «Chelsi» klubi yozgi transfer oynasi ochilishi arafasida «Bolonya» hujumchisi Jonatan Rouga jiddiy qiziqish bildirmoqda. Bu haqda Italiyaning mashhur La Gazzetta dello Sport nashri xabar bermoqda.
Italiya klubi 23 yoshli ingliz futbolchisini jamoada saqlab qolmoqchi, biroq manfaatli taklif tushsa, uni sotishga tayyor. Hozirda Rouga bir nechta klublar da’vogarlik qilmoqda, «ko‘klar» esa uni 40 million yevro evaziga sotib olishga rozi.
Joriy mavsumda Jonatan Rou «Bolonya» safida barcha musobaqalarda 41 ta o‘yinda maydonga tushib, 8 ta gol urdi va 4 ta golli uzatmani amalga oshirdi. Transfermarkt portali futbolchining transfer qiymatini 20 million yevroga baholagan.
