Serjiu Konseysauning «Milan» bilan hamkorligi atigi bir necha oy davom etdi. Massimiliano Allegrining taklif etilishi unga jamoada qolish uchun imkon qoldirmadi, vaholanki Konseysau qo‘l ostida klub ikkita finalda o‘ynadi va umuman olganda yomon natija ko‘rsatmadi. Konseysau o‘sha tarkibda uning fikricha kimlar yetakchi bo‘lganini ma’lum qildi.

«Etakchilar — bu kiyinish xonasida va maydonda o‘rnak bo‘la oladigan futbolchilardir. «Milan»da Kristian Pulishich va Matteo Gabbiya ana shunday o‘yinchilar edi», — deya Konseysauning so‘zlarini keltiradi derbyderbyderby.it nashri.

Hozirda «Milan» Seriya A turnir jadvalida to‘rtinchi o‘rinni egallab turibdi.