Londonning «Arsenal» klubi chap qanot himoyachisi Maylz Lyuis-Skellining «Manchester Yunayted»ga o‘tishi borasidagi xabarlar yana avj oldi.

Arsenal Radar nashrining xabar berishicha, «qizil iblislar» 19 yoshli futbolchini mudofaaning chap qanotida Lyuk Shou uchun munosib raqobatchi sifatida ko‘rishmoqda. Avvalroq, «kanonirlar» tarkibni kuchaytirish uchun mablag‘ yig‘ish maqsadida o‘z tarbiyalanuvchisini sotish imkoniyatini ko‘rib chiqishga tayyorligi haqida mish-mishlar tarqalgan edi.

So‘nggi vaqtlarda Mikel Arteta Maylz Lyuis-Skellini o‘zining asosiy pozisiyasi — maydon markazida ham sinab ko‘rmoqda. Istiqbolli futbolchi joriy mavsumda 33 ta o‘yinda maydonga tushib, 4 ta golli uzatmani amalga oshirdi.

Transfermarkt portali angliyalik yosh iste’dodning narxini 35 mln yevroga baholamoqda.