Лондоннинг «Арсенал» клуби чап қанот ҳимоячиси Майлз Льюис-Скеллининг «Манчестер Юнайтед»га ўтиши борасидаги хабарлар яна авж олди.
Arsenal Radar нашрининг хабар беришича, «қизил иблислар» 19 ёшли футболчини мудофаанинг чап қанотида Люк Шоу учун муносиб рақобатчи сифатида кўришмоқда. Аввалроқ, «канонирлар» таркибни кучайтириш учун маблағ йиғиш мақсадида ўз тарбияланувчисини сотиш имкониятини кўриб чиқишга тайёрлиги ҳақида миш-мишлар тарқалган эди.
Сўнгги вақтларда Микель Артета Майлз Льюис-Скеллини ўзининг асосий позицияси — майдон марказида ҳам синаб кўрмоқда. Истиқболли футболчи жорий мавсумда 33 та ўйинда майдонга тушиб, 4 та голли узатмани амалга оширди.
Transfermarkt портали англиялик ёш истеъдоднинг нархини 35 млн еврога баҳоламоқда.
