Madridning «Real» klubi yarim himoyachisi Arda Gyuler Londonning «Arsenal» klubi transfer maqsadlari ro‘yxatida qolmoqda. Inliz grandi rahbariyati orasida 21 yoshli futbolchi iqtidorining ashaddiy muxlislari bor.

Transfer News Live nashrining El Nacionalʼga tayanib xabar berishicha, «kanonirlar» madridliklarning irodasini 90 million yevrolik taklif bilan «sinab ko‘rishlari» mumkin. Londonliklar bosh murabbiyi Mikel Arteta turkiyalik yosh iqtidor uning loyihasiga juda mos tushadi deb hisoblamoqda.

Ma’lumot uchun, Transfermarkt portali Arda Gyulerning transfer qiymatini aynan 90 million yevroga baholagan. Joriy mavsumda futbolchi «Real» safida barcha musobaqalarda jami 50 ta uchrashuvda maydonga tushib, o‘z hisobiga 6 ta gol va 14 ta golli uzatmani yozib qo‘ydi.