Мадриднинг «Реал» клуби ярим ҳимоячиси Арда Гюлер Лондоннинг «Арсенал» клуби трансфер мақсадлари рўйхатида қолмоқда. Инлиз гранди раҳбарияти орасида 21 ёшли футболчи иқтидорининг ашаддий мухлислари бор.
Transfer News Live нашрининг El Nacionalʼга таяниб хабар беришича, «канонирлар» мадридликларнинг иродасини 90 миллион евролик таклиф билан «синаб кўришлари» мумкин. Лондонликлар бош мураббийи Микель Артета туркиялик ёш иқтидор унинг лойиҳасига жуда мос тушади деб ҳисобламоқда.
Маълумот учун, Transfermarkt портали Арда Гюлернинг трансфер қийматини айнан 90 миллион еврога баҳолаган. Жорий мавсумда футболчи «Реал» сафида барча мусобақаларда жами 50 та учрашувда майдонга тушиб, ўз ҳисобига 6 та гол ва 14 та голли узатмани ёзиб қўйди.
