«Real» himoyachisi Daniel Karvaxal ijtimoiy tarmoqlarda klub prezidenti Florentino Peresning faoliyatiga nisbatan bildirilgan tanqidga qo‘shildi. Gap shundaki, ispaniyalik futbolchi Cadena COPE jurnalisti Manolo Lamaning postiga «layk» qo‘ygan.
Ushbu postda jurnalist Floretino Peresning yaqinda o‘tkazilgan va shov-shuvlarga sabab bo‘lgan matbuot anjumanidagi chiqishini keskin tanqid ostiga olgan edi. Karvaxal tomonidan bildirilgan bu munosabat Madrid klubi atrofidagi vaziyatni yanada keskinlashtirishi mumkin.
Eslatib o‘tamiz, avvalroq «qirollik klubi» 34 yoshli Daniel Karvaxalga yangi shartnoma taklif qilmasligi ma’lum bo‘lgan edi. Shu tariqa, ispaniyalik tajribali himoyachi joriy yozda klubni erkin agent sifatida tark etadi.
