«Реал» ҳимоячиси Даниэль Карвахаль ижтимоий тармоқларда клуб президенти Флорентино Переснинг фаолиятига нисбатан билдирилган танқидга қўшилди. Гап шундаки, испаниялик футболчи Cadena COPE журналисти Маноло Ламанинг постига «лайк» қўйган.
Ушбу постда журналист Флоретино Переснинг яқинда ўтказилган ва шов-шувларга сабаб бўлган матбуот анжуманидаги чиқишини кескин танқид остига олган эди. Карвахаль томонидан билдирилган бу муносабат Мадрид клуби атрофидаги вазиятни янада кескинлаштириши мумкин.

Эслатиб ўтамиз, аввалроқ «қироллик клуби» 34 ёшли Даниэль Карвахалга янги шартнома таклиф қилмаслиги маълум бўлган эди. Шу тариқа, испаниялик тажрибали ҳимоячи жорий ёзда клубни эркин агент сифатида тарк этади.













