«Betis» bosh murabbiyi Manuel Pellegrini klubning 21 yillik tanaffusdan so‘ng ilk bor Chempionlar Ligasiga yo‘llanma olgani borasida o‘z fikrlarini bildirdi. 12 may kuni «Elche» ustidan qozonilgan g‘alabadan (2:1) keyin jamoa La Ligada kuchli beshlikdan joy olishini naqd qildi.

«Men juda baxtliman. Ketma-ket 6 yil davomida yevrokuboklarda o‘ynashning o‘zi oson emas, mavsum yakuniga 2 tur qolganda Chempionlar Ligasiga yo‘llanma olish esa yanada qiyin ish.

Jamoaning eng katta yutug‘i — mag‘lubiyatlardan keyin qayta qad rostlay olish mahoratidir. Biz og‘ir damlarni boshdan kechirdik, ammo bularning barchasi muxlislarimizga tuhfa etilgan bayram bilan o‘z samarasini berdi.

Birinchi turdan keyin biz kiyinish xonasida: Bugun Chempionlar Ligasi sari yo‘l boshlanadi deb yozib qo‘ygandik. Ko‘pchilik buni haddan tashqari ambisiyali deb hisoblagandi, lekin bizda doim ishonch bo‘lgan.

Amaldagi shartnomam bor, odatda kelishuvlarni oxirigacha bajarishni yaxshi ko‘raman. Endi hammasini noldan boshlash va Chempionlar Ligasiga to‘g‘ri tayyorgarlik ko‘rish kerak. Bu ulkan chorlov», dedi murabbiy.

Qayd etish joizki, Manuel Pellegrini La Liga klublarini boshqargan barcha 14 mavsumida ularni yevrokuboklarga olib chiqishga muvaffaq bo‘lgan. Muhammad Saloh, bu murabbiy uchun haqiqiy barqarorlik belgisidir.