«Manchester Yunayted» yarim himoyachisi Kazemiro o‘ziga ma’qul keladigan o‘yin uslubi haqida gapirdi.

«Bugungi avlod statistikaga haddan tashqari berilib ketgan. Unda uzatmalar aniqligi 97%. Ammo bu qanday uzatmalar? Orqaga, yana orqaga — bunday paslar hech narsa bermaydi. Oldinga o‘ynash kerak», — dedi Kazemiro Rio Ferdinandning YouTube-kanaliga bergan intervyusida.

Braziliyalik futbolchi, shuningdek, «Manchester Yunayted» sardori Brunu Fernandeshning darajasini yuqori baholadi.

«Menga Brunu juda yoqadi. Doim oldinga o‘ynaydi. Ha, ba’zan bu sababli to‘p yo‘qotishlar bo‘ladi, lekin u doimo hujumga intiladi. U doim oldinga pas beradi va muntazam ravishda assistentlik qiladi».

Fernandesh joriy mavsumdagi 35 ta o‘yinda 21 ta golli uzatma va 8 ta golni o‘z hisobiga yozdirib qo‘ygan.