«Манчестер Юнайтед» ярим ҳимоячиси Каземиро ўзига маъқул келадиган ўйин услуби ҳақида гапирди.

«Бугунги авлод статистикага ҳаддан ташқари берилиб кетган. Унда узатмалар аниқлиги 97%. Аммо бу қандай узатмалар? Орқага, яна орқага — бундай паслар ҳеч нарса бермайди. Олдинга ўйнаш керак», — деди Каземиро Рио Фердинанднинг YouTube-каналига берган интервьюсида.

Бразилиялик футболчи, шунингдек, «Манчестер Юнайтед» сардори Бруну Фернандешнинг даражасини юқори баҳолади.

«Менга Бруну жуда ёқади. Доим олдинга ўйнайди. Ҳа, баъзан бу сабабли тўп йўқотишлар бўлади, лекин у доимо ҳужумга интилади. У доим олдинга пас беради ва мунтазам равишда ассистентлик қилади».

Фернандеш жорий мавсумдаги 35 та ўйинда 21 та голли узатма ва 8 та голни ўз ҳисобига ёздириб қўйган.