«Chelsi» klubi sobiq hujumchisi Jimmi Floyd Xasselbaynk madridliklar sobiq ustozi Xabi Alonsoning London klubi boshqaruviga kelishi mumkinligi haqidagi xabarlarga o‘z munosabatini bildirdi.
Hasselbaynkning fikricha, ispaniyalik mutaxassisning «Real»dagi faoliyati muvaffaqiyatsiz bo‘lmagan, biroq uning o‘ziga xos boshqaruv uslubi bor.
«Menimcha, Alonso «Real»da yomon ishlamadi. Gap shundaki, u jamoani o‘z qarashlari bo‘yicha boshqarishni xohlaydi va futbolchilar unga to‘liq ergashishi kerak deb hisoblaydi. Yulduz futbolchilar bilan ishlashda esa klubning qo‘llab-quvvatlashi zarur. Agar «Chelsi» uni tanlasa, jilovni to‘liq uning qo‘liga topshirishi kerak. Doim aytganman: kimni murabbiy etib tayinlasang, unga boshqarish imkonini ber. Futbolchilar qarorni murabbiy qabul qilishini bilishlari lozim», — dedi Xasselbaynk Sky Sports nashriga bergan intervyusida.
Eslatib o‘tamiz, Xabi Alonso 2025 yilning yozidan 2026 yilning yanvariga qadar «Real Madrid»ni boshqargan edi. Ungacha esa mutaxassis Leverkuzenning «Bayer» jamoasida muvaffaqiyatli faoliyat yuritgan.
