«Napoli» hujumchisi Romelu Lukakuning agenti Sebastyan Ledyur belgiyalik futbolchining Rossiya chempionatiga o‘tish ehtimolini butunlay rad etdi.
Bundan oldin Lukaku va «Napoli» o‘rtasidagi amaldagi shartnomani bekor qilish bo‘yicha kelishuvga erishilgani haqida xabarlar tarqalgan edi.
– Agar munosib taklif tushsa, Romelu Lukaku RPLda faoliyatini davom ettirish variantlarini ko‘rib chiqadimi?
– Yo‘q, bu umuman variant emas, — dedi Ledyur.
Ma’lumot uchun, 33 yoshli Lukaku va «Napoli» o‘rtasidagi shartnoma 2027 yilgacha mo‘ljallangan edi, biroq tomonlar uni muddatidan oldin bekor qilishga qaror qilishgan. Hujumchi faoliyatini Saudiya Arabistoni yoki Turkiya klublarida davom ettirishi mumkinligi aytilmoqda.













