«Наполи» ҳужумчиси Ромелу Лукакунинг агенти Себастьян Ледюр бельгиялик футболчининг Россия чемпионатига ўтиш эҳтимолини бутунлай рад этди.

Бундан олдин Лукаку ва «Наполи» ўртасидаги амалдаги шартномани бекор қилиш бўйича келишувга эришилгани ҳақида хабарлар тарқалган эди.

– Агар муносиб таклиф тушса, Ромелу Лукаку РПЛда фаолиятини давом эттириш вариантларини кўриб чиқадими?

– Йўқ, бу умуман вариант эмас, — деди Ледюр.

Маълумот учун, 33 ёшли Лукаку ва «Наполи» ўртасидаги шартнома 2027 йилгача мўлжалланган эди, бироқ томонлар уни муддатидан олдин бекор қилишга қарор қилишган. Ҳужумчи фаолиятини Саудия Арабистони ёки Туркия клубларида давом эттириши мумкинлиги айтилмоқда.