Kataloniyaning «Barselona» klubi «Inter» himoyachisi Alessandro Bastonini o‘z safiga qo‘shib olish fikridan qaytmayapti. Bu haqda Barca Universal nashri xabar bermoqda.
Manbaga ko‘ra, Italiyada Bastoni «Inter» libosidagi so‘nggi o‘yinlarini o‘tkazayotgani haqidagi qarashlar kuchaymoqda. 27 yoshli futbolchi faoliyatidagi eng yaxshi mavsumlardan birini o‘tkazdi va Yevropaning eng ishonchli hamda universal markaziy himoyachilaridan biri sifatida o‘zini ko‘rsatdi.
Qayd etilishicha, «ko‘k-anorranglilar»ning qiziqishi shunchaki kuzatuvdan amaliy harakatlarga o‘tgan va futbolchi bo‘yicha aloqalar faollashgan. Joriy mavsumda Bastoni «neradzurrilar» safida 40 ta uchrashuvda maydonga tushib, 2 ta gol urdi va 6 ta golli uzatmani amalga oshirdi. Shuningdek, uning hisobida 9 ta sariq kartochka bor.
