Xabi Alonso «Chelsi»ning navbatdagi murabbiyiga aylanishi mumkin. London klubi va ispaniyalik mutaxassis o‘rtasida muzokaralar davom etmoqda, biroq «Real»dagi tartibsizliklardan charchagan Alonso aniq kafolatlar talab qilmoqda.
The Times nashrining xabariga ko‘ra, Alonso «Chelsi» bilan ish sharoitlarini aniq kelishib olmoqchi. Klub avval ham bir necha bor murabbiylarga uzoq muddatli loyiha va’da qilib, tez orada hamkorlikni to‘xtatgan va ularni ishdan bo‘shatgan. Alonso «Stemford Bridj»da xuddi shunday vaziyatga duch kelishni istamayapti.
Eslatib o‘tamiz, 16 may, shanba kuni «Chelsi» Angliya Kubogi finalida «Manchester Siti»ga qarshi maydonga tushadi. Premyer-liga turnir jadvalida esa londonliklar hozirda to‘qqizinchi o‘rinda bormoqda.













