Fransiya sport vaziri Marina Ferrari Kilian Mbappening siyosatchilar haqidagi fikrlariga to‘xtalar ekan, sportchilar o‘z fikrini bildirish huquqiga ega ekanligini ta’kidladi.

Avvalroq «Real» va Fransiya terma jamoasi hujumchisi 2024 yilgi parlament saylovlarida «Milliy birlashish» partiyasining g‘alabasiga nega salbiy munosabat bildirganini tushuntirgan edi: «Bunday insonlar hokimiyat tepasiga kelganda qanday oqibatlar bo‘lishi mumkinligini bilaman. Sen o‘yinchi, yulduz bo‘lishing mumkin, lekin eng avvalo — fuqarosan».

«Sportchilar ham xuddi boshqalar kabi fuqarolardir. Ular o‘z fikrlarini erkin ifoda etishlari mumkin. Bu borada menda hech qanday izoh yo‘q», — dedi Ferrari.