Франция спорт вазири Марина Феррари Килиан Мбаппенинг сиёсатчилар ҳақидаги фикрларига тўхталар экан, спортчилар ўз фикрини билдириш ҳуқуқига эга эканлигини таъкидлади.
Аввалроқ «Реал» ва Франция терма жамоаси ҳужумчиси 2024 йилги парламент сайловларида «Миллий бирлашиш» партиясининг ғалабасига нега салбий муносабат билдирганини тушунтирган эди: «Бундай инсонлар ҳокимият тепасига келганда қандай оқибатлар бўлиши мумкинлигини биламан. Сен ўйинчи, юлдуз бўлишинг мумкин, лекин энг аввало — фуқаросан».
«Спортчилар ҳам худди бошқалар каби фуқаролардир. Улар ўз фикрларини эркин ифода этишлари мумкин. Бу борада менда ҳеч қандай изоҳ йўқ», — деди Феррари.
