Yanvar oyida darvozabon Mark-Andre ter Shtegen «Barselona»dan «Jirona»ga ijara asosida o‘tgan edi. Nemis posboni bir nechta o‘yin o‘tkazgach, jarohat oldi va shundan beri maydonga tushmayapti.

The Athletic nashrining xabariga ko‘ra, «Barselona» bosh murabbiyi Xans-Diter Flik ter Shtegen kelasi mavsum uchun uning rejalariga kirmasligini aniq bildirgan. Endilikda tajribali darvozabon o‘z kelajagi haqida jiddiy bosh qotirishiga to‘g‘ri keladi.

Mark-Andre ter Shtegenning kataloniyaliklar bilan shartnomasi 2028 yilning o‘rtalarigacha mo‘ljallangan. Transfermarkt portali 34 yoshli posbonni hozirda 4 million yevroga baholamoqda.

Eslatib o‘tamiz, Flik qo‘l ostidagi «Barselona» yaqinda qatorasiga ikkinchi bor Ispaniya chempioni bo‘ldi.