Kristian Pulishich 2023 yilda «Milan»ga o‘tgan edi, biroq u klubning amerikalik egalari omili kutilganidek rol o‘ynamaganini ta’kidlamoqda. Amerikalik yarim himoyachining so‘zlariga ko‘ra, u shunchaki Londonning «Chelsi» klubidagi bir necha yildan so‘ng yangi chorlovni qabul qilishni istagan.
«Rostini aytsam, bu haqda umuman o‘ylaganim yo‘q. Shunchaki o‘zimga «bilasanmi nima? Kel, harakat qilib ko‘ramiz», dedim. Umid qilamanki, mening faoliyatim amerikaliklarga futbolni chuqurroq anglash va tushunishga, uni boshqacha qabul qilishga yordam beradi», — deya Pulishichning so‘zlarini keltiradi pianetamilan.it nashri.
Eslatib o‘tamiz, hozirda «Milan» Italiya Seriya A turnir jadvalida to‘rtinchi o‘rinni egallab turibdi.
