Кристиан Пулишич 2023 йилда «Милан»га ўтган эди, бироқ у клубнинг америкалик эгалари омили кутилганидек роль ўйнамаганини таъкидламоқда. Америкалик ярим ҳимоячининг сўзларига кўра, у шунчаки Лондоннинг «Челси» клубидаги бир неча йилдан сўнг янги чорловни қабул қилишни истаган.

«Ростини айтсам, бу ҳақда умуман ўйлаганим йўқ. Шунчаки ўзимга «биласанми нима? Кел, ҳаракат қилиб кўрамиз», дедим. Умид қиламанки, менинг фаолиятим америкаликларга футболни чуқурроқ англаш ва тушунишга, уни бошқача қабул қилишга ёрдам беради», — дея Пулишичнинг сўзларини келтиради pianetamilan.it нашри.

Эслатиб ўтамиз, ҳозирда «Милан» Италия Серия А турнир жадвалида тўртинчи ўринни эгаллаб турибди.