«Yuventus» hujumchi Randal Kolo-Muanini ortga qaytarishga umid qilmoqda. Fransuz futbolchisi joriy mavsumni ijara asosida «Tottenxem»da o‘tkazmoqda. O‘yinchining huquqlari hali ham «Pari Sen-Jermen»ga tegishli, biroq Parij klubi unga ishonch bildirmayapti.
«Gazzetta dello Sport» nashrining xabar berishicha, «Yuventus» Kolo-Muani bilan shartnoma imzolash ustida faol ishlamoqda, tez orada «PSJ» bilan muzokaralar o‘tkazilishi kutilmoqda. 27 yoshli futbolchining o‘zi ham Turinga qaytishni istaydi.
Fransiya grandi rahbariyati Frankfurtning «Ayntraxt» klubi sobiq yulduzini sotib yuborishga tayyor. Transfermarkt portali ekspertlari hujumchining bozor qiymatini 22 million yevroga baholamoqda.
