«Ювентус» ҳужумчи Рандаль Коло-Муанини ортга қайтаришга умид қилмоқда. Француз футболчиси жорий мавсумни ижара асосида «Тоттенхэм»да ўтказмоқда. Ўйинчининг ҳуқуқлари ҳали ҳам «Пари Сен-Жермен»га тегишли, бироқ Париж клуби унга ишонч билдирмаяпти.
«Gazzetta dello Sport» нашрининг хабар беришича, «Ювентус» Коло-Муани билан шартнома имзолаш устида фаол ишламоқда, тез орада «ПСЖ» билан музокаралар ўтказилиши кутилмоқда. 27 ёшли футболчининг ўзи ҳам Туринга қайтишни истайди.
Франция гранди раҳбарияти Франкфуртнинг «Айнтрахт» клуби собиқ юлдузини сотиб юборишга тайёр. Transfermarkt портали экспертлари ҳужумчининг бозор қийматини 22 миллион еврога баҳоламоқда.
