«Liverpul» yozgi transfer oynasida hujum qanotini kuchaytirish niyatida. Jurnalist Mark Duglasning xabar berishicha, «qizillar» yangi vinger uchun 75 million funt sterlinggacha (taxminan 86 million yevro) sarflashga tayyor.
Asosiy maqsad — «RB Leypsig»ning 19 yoshli a’zosi Yan Diomande. Shuningdek, «PSJ»ning 23 yoshli futbolchisi Bredli Barkola nomzodi ham ko‘rib chiqilmoqda. Yana bir variant sifatida mersisaydliklar «RB Leypsig» sharafini himoya qilayotgan 21 yoshli Antonio Nusaga qiziqish bildirmoqda.
«Liverpul» Premyer-liganing 36 turidan so‘ng turnir jadvalida to‘rtinchi o‘rinni egallab turibdi. Bugun Arne Slot jamoasi safarda bevosita raqobatchisi «Aston Villa»ga qarshi maydonga tushadi.













