«Ливерпуль» ёзги трансфер ойнасида ҳужум қанотини кучайтириш ниятида. Журналист Марк Дугласнинг хабар беришича, «қизиллар» янги вингер учун 75 миллион фунт стерлинггача (тахминан 86 миллион евро) сарфлашга тайёр.
Асосий мақсад — «РБ Лейпциг»нинг 19 ёшли аъзоси Ян Диоманде. Шунингдек, «ПСЖ»нинг 23 ёшли футболчиси Брэдли Баркола номзоди ҳам кўриб чиқилмоқда. Яна бир вариант сифатида мерсисайдликлар «РБ Лейпциг» шарафини ҳимоя қилаётган 21 ёшли Антонио Нусага қизиқиш билдирмоқда.
«Ливерпуль» Премьер-лиганинг 36 туридан сўнг турнир жадвалида тўртинчи ўринни эгаллаб турибди. Бугун Арне Слот жамоаси сафарда бевосита рақобатчиси «Астон Вилла»га қарши майдонга тушади.
