Leverkuzenning «Bayer» klubida navbatdagi murabbiy o‘zgarishiga tayyorgarlik ko‘rilmoqda. Jurnalist Patrik Bergerning xabar berishicha, Kasper Yulmannning ketishi deyarli hal bo‘lgan masala.
«Dorishunoslar» rahbariyati daniyalik mutaxassisning o‘rnini egallashi mumkin bo‘lgan nomzodlar bilan muzokaralarni boshlab yuborgan. Asosiy nomzodlar sifatida hozirda ishsiz bo‘lgan braziliyalik Filipe Luis va «Jirona» ustozi ispaniyalik Michel ko‘rilmoqda.
Eslatib o‘tamiz, Yulmann o‘tgan yilning sentyabr oyi boshida, iste’foga chiqarilgan Erik ten Xagning o‘rniga tayinlangan edi. «Bayer» Bundesliganing so‘nggi turi oldidan turnir jadvalida oltinchi o‘rinni egallab turibdi.
