Леверкузеннинг «Байер» клубида навбатдаги мураббий ўзгаришига тайёргарлик кўрилмоқда. Журналист Патрик Бергернинг хабар беришича, Каспер Юльманннинг кетиши деярли ҳал бўлган масала.
«Доришунослар» раҳбарияти даниялик мутахассиснинг ўрнини эгаллаши мумкин бўлган номзодлар билан музокараларни бошлаб юборган. Асосий номзодлар сифатида ҳозирда ишсиз бўлган бразилиялик Филипе Луис ва «Жирона» устози испаниялик Мичел кўрилмоқда.
Эслатиб ўтамиз, Юльманн ўтган йилнинг сентябрь ойи бошида, истеъфога чиқарилган Эрик тен Хагнинг ўрнига тайинланган эди. «Байер» Бундеслиганинг сўнгги тури олдидан турнир жадвалида олтинчи ўринни эгаллаб турибди.
