«Bornmut» klubi Markos Senesining shartnomasi muddati tugashi munosabati bilan shu yozda jamoadan ketishini e’lon qildi. Argentinalik himoyachi ingliz jamoasi safida to‘rt mavsumni o‘tkazdi.
Jurnalist Ben Jeykobsning ma’lumotiga ko‘ra, «Bornmut» uning ketishi haqida hali o‘tgan yiliyoq bilgan va tomonlar Senesi jamoani yanvar oyida tark etmasligi borasida kelishib olishgan edi.
«Tottenxem» 29 yoshli futbolchi bilan allaqachon kelishuvga erishgan va agar Premyer-ligadagi o‘rnini saqlab qolsa, u bilan shartnoma imzolashi mumkin. Shuningdek, «Manchester Yunayted» ham Markosga qiziqish bildirgan. «Liverpul» esa hozircha biror bir qadam tashlash borasida yakuniy qarorga kelgani yo‘q. Bu vaziyat mersisaydliklar klubida Ibraima Konatening qolish yoki qolmasligiga bog‘liq bo‘lishi mumkin.
