Lissabonning «Benfika» klubi bosh murabbiyi Joze Mourinyo Florentino Peresning matbuot anjumani yuzasidan o‘z fikrini bildirdi. Bu haqda Madrid Universal xabar bermoqda.
«Men Florentinoning matbuot anjumanini ko‘rmadim. Agar ko‘rganimda ham, buni sharhlamagan bo‘lardim. Men hech qachon prezidentlarning harakatlariga munosabat bildirmayman, ayniqsa, Florentino haqida gap ketganda», dedi Mourinyo.
Ta’kidlash joizki, Mourinyu Madrid klubi boshqaruvini qo‘lga olish uchun asosiy nomzod bo‘lib turibdi. Avvalroq «Benfika» unga yangi shartnoma taklif qilgani, biroq murabbiy hali uni ko‘rib chiqishga kirishmagani ma’lum bo‘lgan edi.
