Лиссабоннинг «Бенфика» клуби бош мураббийи Жозе Моуриньо Флорентино Переснинг матбуот анжумани юзасидан ўз фикрини билдирди. Бу ҳақда Madrid Universal хабар бермоқда.
«Мен Флорентинонинг матбуот анжуманини кўрмадим. Агар кўрганимда ҳам, буни шарҳламаган бўлардим. Мен ҳеч қачон президентларнинг ҳаракатларига муносабат билдирмайман, айниқса, Флорентино ҳақида гап кетганда», деди Моуриньо.
Таъкидлаш жоизки, Моуринью Мадрид клуби бошқарувини қўлга олиш учун асосий номзод бўлиб турибди. Аввалроқ «Бенфика» унга янги шартнома таклиф қилгани, бироқ мураббий ҳали уни кўриб чиқишга киришмагани маълум бўлган эди.
